]
Les quotidiens du 28 Mar 2024
[ Midi ]
[ Express ]
[ Moov ]
Home Editorial Madagate Affiche Raharaha Claudine A&C. «Rahoviana no hisongadina tokoa izany atao hoe fanjakana tan-dalàna izany eto madagasikara?», hoy ny Kmf/Cnoe

Raharaha Claudine A&C. «Rahoviana no hisongadina tokoa izany atao hoe fanjakana tan-dalàna izany eto madagasikara?», hoy ny Kmf/Cnoe

Amin’ny maha mpanara-maso ny fiainam-pirenena ny KMF/CNOE («Education des citoyens»), dia tsy hay ny hangina ka hanaiky fotsiny ny toe-javatra mahakasika an-dRamatoa Claudine Razaimamonjy, izay mpanolon-tsaina akaiky ny Filoham-pirenena Malagasy ary mpandraharaha ara-toe-karena eto amin’ny firenena.

Tsapa fa tsy mangarahara ny fitantanana eo anivon’ny fitondram-panjakana isan’ambaratonga ary mbola mitoetra hatrany ny fanamparam-pahefana. Mijanona ho hetahetam-bahoaka hatrany ny fisian’ny fanjakana tan-dàlana eto amin’ny tany sy ny fanjakana. Manontany tena ny KMF/CNOE hoe hatraiza ny akon’ity raharaha ity no mahatonga azy ho lasa lalina toy izao ka tsabahan’ny fahefana mpanatanteraka amin’ny fahefam-pitsarana? Ahiana mafy arak’izany ny tsy fahamarinam-pototra ara-politika eto amin’ny firenena.

Ny KMF/CNOE dia mitsipaka ny fitsabahan’ny fitondram-panjakana amin’ny asa natokana hoan’ny mpitsara. Mankasitraka manokana ny BIANCO tamin’ny fanatanterahana ny andrakiny, mankahery sy manohana azy hatrany amin’izany. Manohana ihany koa ny SMM amin’ny ezaka izay ataony amin’ny fiadina ny fahaleovan-tenan’ ny fitsarana, araky ny fenitra voizin’ ny làlam-panorenana.

Mipetraka ny fanontaniana, natao ho an’iza ny làlana? Aiza ho aiza ny fanajana sy ny fampiharana azy? Rariny ve raha izay tokony ho fitaratra hoan’ ny vahoaka indray no mampiana-dratsy azy? Ambava homana am-po mieritreritra! Ny KMF/CNOE dia mitaky hatrany ny fampiharana ny làlana ary manamafy fa mitovy ny rehetra eo anatrehany na mpitondra fanjakana io na olon-tsotra dia meloka avokoa raha mandika azy. Manameloka ny kolikoly sy izay rehetra manome vahana ny tsy fampiharana ny làlana.

Manamarika koa ny KMF/CNOE fa tsy tokony hamaivanina mihitsy ary tokony arahi-maso akaiky ny fivoaran’ity raharaha ity. Fanalahidin’ny fametrahana ny Fanjakana tan-dàlana eto Madagasikara izy ity raha tontosa ny fanenjehana azy, sady vokatra azo tsapain-tànana amin’ny filofosana amin’ny ady amin’ny kolikoly. Raha araky ny fenitra dia tsy mifidy ny lalàna, noho izany, dia tsy tokony hisy intsony izany atao hoe tsy maty manota izany raha tena fanjakana tan-dàlana tokoa no tiana avohitra. Mitaky hatrany amin’ny tompon’andraikitra isan-tsokajiny ny KMF/CNOE amin’ny fanomezana tatitra mazava sy mangarahara hoan’ny olom-pirenena tsy ankanavaka.

Antananarivo, faha-13 aprily 2017


Ny Birao Nasionaly

Mis à jour ( Lundi, 17 Avril 2017 07:53 )  
Bannière

Madagate Affiche

 

Président Andry Rajoelina 2024. Firarian-tsoa sy Faniriana – Vœux et Souhaits

 

Antananarivo. VIDEO DU CONCERT de l'Orchestre de l'Orphelinat Saint Paul. Concert de Noël du 17.12.2023

 

Antananarivo HWPL. 2è Édition de la Symphonie de la Paix avec l'Orchestre de l’Orphelinat Saint Paul

 

Andry Rajoelina Filoham-pirenena. Didim-pitsarana laharana faha 08-HCC/AR tamin’ny 1 desambra 2023 anambaràna ny vokatra ofisialin’ny fihodinana voalohany amin’ny fifidianana Filohan’ny Repoblika

 

Wednesday Morning Group Madagascar. Le Bazar de Noël de son 60è Anniversaire

Qu'est-ce que le Wednesday Morning Group ? Le Wednesday Morning Group (WMG) a été créé en 1963 par un group...

 

Rasolonjatovo Honoré. Solombavambahoaka nandao antsika teo amin’ny faha-66 taonany

 

Madagascar. Élection présidentielle du 16 novembre 2023. Mme Christine Razanamahasoa piétine l'article 5 de la Constitution, stipulant, entre autres que "la Souveraineté appartient au peuple" et non à sa plateforme de bras cassés politiques

 

FILOHA ANDRY RAJOELINA, 2019-2023. FANTARO NY ZAVA-BITANY MARO LAVITRY NY LAINGA SY NY TSAHO

 

CHRISTIAN ANDRIANARISOA. Lasa omaly Alatsinainy 16 Oktobra 2023 i Rakrisy zandry mpanao gazety tsy dia nisy mpahalala satria olo-tsotra izy kanefa nanana fahaizana manokana eo amin’ny sehatry ny fanaovan-gazety

 

RATSIMANDRESY ANNA RAYMONDE (NANA). FISAORANA SY VIDEO