]
Les quotidiens du 28 Mar 2024
[ Midi ]
[ Express ]
[ Moov ]
Home Reportages Manifestation Toamasina. Fanatanjahantena mampivelatra sy fahalalana ho an'ny ankizy

Toamasina. Fanatanjahantena mampivelatra sy fahalalana ho an'ny ankizy

Notontosaina ny Alahady 20 Oktobra 2019 lasa teo, ny lanonam-pamaranana ny fanatanjahan-tena an-tsekoly (“Sport scolaire”) andiany faha-27, izay nampitondraina ny anarana hoe « Sorongôla », natao tao amin’ny Renivohitr’i Toamasina, faritra Atsinanana. Naharitra fito andro ny hetsika, dia ny 14 Oktobra 2019, ka hatramin’ny 20 Oktobra 2019 teo, ary nahitana ny fandraisan’ireo mpianatra avy tamin’ireo faritra miisa 23 anjara. Taranja ara-panatanjahan-tena maro, no natao tamin’izany, toy ny volley-ball sokajy zazavavy sy zazalahy ; ny taranja baolina kitra, izay nahitana sokajy zazavavy sy zazalahy ihany koa. Teo koa ny taranja « Athlétisme ».

Sabotsy 19 Oktobra ny lalao famaranana teo amin’ny taranja baolina kitra lahy sy vavy, tamin’ity fanatanjahan-tena an-tsekoly ity. Nahazo ny voalohany teo amin’ny sokajy zazavavy ny avy amin’ny DRENETP Analanjirofo, faharoa ny DIANA, ary fahatelo Boeny. Sokajy lehilahy indray dia ny DRENETP Atsinanana no nahazo ny amboara, faharoa Boeny, ary fahatelo ny Atsimo Atsinanana. Teo amin’ny taranja Volley-ball zazavavy indray, norombahin’ny DRENETP Boeny ny amboara, faharoa Anôsy, ary fahatelo Analamanga. Teo amin’ny sokajy zazalahy: ny DRENETP Atsinanana, faharoa Vakinankaratra, ary fahatelo ny ekipan’i Atsimo andrefana. Lalao izay natao tao amin’ny « Centre Régionale de la Jeunesse et des sports » (CRJS).

Ny DRENETP Sofia Antsohihy, no handray ity lalao ity amin’ny taona 2020. Nandritra ny lanomam-pamaranana teo anoloan’ny Tranoben’ny Faritra atsinanana, no nanambaran’ny minisitra, fa fahombiazna tanteraka ny tamin’iny andiany faha-27 teo iny. Isany nisalahy tamin’izany ny teo anivon’ny fianakaviam-ben’ny minisitera tao Atsinanana, ny Fitondram-panjakana, izay notronon’ny vahoakan’i Toamasina. Tratra ny tanjona hoy izy. Nankahery ireo resy nandritra ny lalao ny minisitra Volahaingo Marie Thérèse, mba hanao bebe kokoa amin’ny taona manaraka. Namporisika hatrany ireo naharesy koa ny tenany. Isany nanohana ity hetsika ity, ny minisiteran’ny Tanora sy ny Fanatanjahan-tena, ny Orinasa sy Banky vitsivitsy ao an-toerana, izay nisaoran’ny minisitra.

Nandritra ny fandraisam-pitenenan’ireo Solombavambahoaka sy solontenam-panjakana tao an-toerana tonga nanotrona ity lanonam-pamaranana hetsika “Sorongôla” ity, no nilazan’izy ireo, fa henin-kaja sy henim-boninahitra ny Renivohitr’i Toamasina. Nolazain’izy ireo koa fa tokony hotohizana hatrany ny hetsika toy izao, hamporisihana ireo ankizy sy tanora mba tsy hirona amin-javatra hafa. Ny fanatanjahan-tena an-tsekoly mantsy, hoy izy ireo, dia mampitombo sy mampivelatra ny vatana sy fahalalan’ny ankizy, ary hampivelaran’izy ireo ny maha izy azy. Tsy nisy loza sy ny sampona nandritra ny lalao “Sport scolaire” teo iny. Hananana vatana tomady sy saina salama, ny fanatanjahan-tena, hoy ireo Solombavambahoaka miarahalahy. Teo amin’ny classement général, dia ny tao amin’ny DRENETP, no nahazo ny voalohany tamin’ireo lalao rehetra nifaninanana, avy tamin’ny nahazoan’ireo mpianatra medaly maro. Ny sehatra toy izao koa, no hahafahana mitaratra ireo ho solofon’ny ekipam-pirenena Malagasy atsy ho atsy, hoy ireo depiote.

Andry Rakotonirainy

Mis Ă  jour ( Mardi, 22 Octobre 2019 07:02 )  
Bannière

Madagate Affiche

 

Président Andry Rajoelina 2024. Firarian-tsoa sy Faniriana – Vœux et Souhaits

 

Antananarivo. VIDEO DU CONCERT de l'Orchestre de l'Orphelinat Saint Paul. Concert de Noël du 17.12.2023

 

Antananarivo HWPL. 2è Édition de la Symphonie de la Paix avec l'Orchestre de l’Orphelinat Saint Paul

 

Andry Rajoelina Filoham-pirenena. Didim-pitsarana laharana faha 08-HCC/AR tamin’ny 1 desambra 2023 anambaràna ny vokatra ofisialin’ny fihodinana voalohany amin’ny fifidianana Filohan’ny Repoblika

 

Wednesday Morning Group Madagascar. Le Bazar de Noël de son 60è Anniversaire

Qu'est-ce que le Wednesday Morning Group ? Le Wednesday Morning Group (WMG) a été créé en 1963 par un group...

 

Rasolonjatovo Honoré. Solombavambahoaka nandao antsika teo amin’ny faha-66 taonany

 

Madagascar. Élection présidentielle du 16 novembre 2023. Mme Christine Razanamahasoa piétine l'article 5 de la Constitution, stipulant, entre autres que "la Souveraineté appartient au peuple" et non à sa plateforme de bras cassés politiques

 

FILOHA ANDRY RAJOELINA, 2019-2023. FANTARO NY ZAVA-BITANY MARO LAVITRY NY LAINGA SY NY TSAHO

 

CHRISTIAN ANDRIANARISOA. Lasa omaly Alatsinainy 16 Oktobra 2023 i Rakrisy zandry mpanao gazety tsy dia nisy mpahalala satria olo-tsotra izy kanefa nanana fahaizana manokana eo amin’ny sehatry ny fanaovan-gazety

 

RATSIMANDRESY ANNA RAYMONDE (NANA). FISAORANA SY VIDEO