Zoma 20 Novambra 2026 · Vendredi 20 novembre 2026 Depuis 2004 · plus de 9 000 articles
● Dernière minute Antananarivo. International Education Expo Madagascar les 7 et 8 février 2026 — Madagasikara Tetezamita 2025-2027. Mila hajaina ny andininy 25/4-ny Sata afrikanina momba ny demokrasia, ny fifidianana ary ny fitantànana — Annick Danielle Raherimanana, mpanao gazetin’ny Radio Antsiva. Nodimandry ny 28 Janoary 2026
Madagate affiche

Madagasikara. Ny CRAM sy ny Fanorenena ifotony ny Firenena

NY CRAM SY NY FANORENANA IFOTONY NY FIRENENA

Ny mpikambana mpanorina ny « Cercle de Réflexion pour l’Avenir de Madagascar » (CRAM) dia nandalina ny fiaraha-monina mifototra amin’ny « Fokonolona fototry ny Firenena » sy ny rafitra ara-toekarena isam-paritra ary ny fomba hitantanana ny raharaham-bahoaka mifanentana amin’izany rafitra izany nandritra ny taona maro.

Ny fanorenana ifotony sy ny fanarenana ny firenena (la refondation et la reconstruction de Madagascar) no foto-kevi-dehibe nananganana ny CRAM ny 18 avril 2009. (Récépissé N° 167 – MI/ANT/SPAT/ASS du 14 mai 2009).

Amin’ny CRAM ny fanorenana ifotony ny firenena dia tsy azo hatao ankamehana satria ny fanovana tanteraka ny rafitra sy ny toe-tsaina dia miantoka ny ho avin’ny taranaka faramandimby.

Nandritra ny « Symposium national pour la restitution des îles malagasy » izay notarihan’ny « Association Nosy Malagasy » (ANM) tamin’ny 23 jolay 2016 tao amin’ny Lapan’ny Tananan’Antananarivo Renivohitra dia nandray « FEHIN-KEVITRA NASIONALY » ny mpizaika manerana an’i Madagasikara. Nambaran’ireo mpizaika ao anatin’izany Fehin-kevitra nasionaly izany fa tsy maintsy hirosoana ny « Loabary an-dasy nasionaly ho fanorenana ifotony ny firenena». (Forum national pour la refondation et la reconstruction de Madagascar).

Efa mitsangana ny Komitim-pirenena izay ahitana solontena avy amin’ny Faritra 22 manomana ny « Loabary an-dasy nasionaly ho fanorenana sy fanarenana an’i Madagasikara ».

Afaka andro vitsivitsy dia ho fantatra ny daty sy ny toerana hanaovana izany « Loabary an-dasy nasionaly ho fanorenana ifotony ny firenena » izany.

Alasora, faha 12 septambra 2016

JOEL HARISON Marie René

Filohan’ny CRAM

Articles similaires