Zoma 20 Novambra 2026 · Vendredi 20 novembre 2026 Depuis 2004 · plus de 9 000 articles
● Dernière minute Antananarivo. International Education Expo Madagascar les 7 et 8 février 2026 — Madagasikara Tetezamita 2025-2027. Mila hajaina ny andininy 25/4-ny Sata afrikanina momba ny demokrasia, ny fifidianana ary ny fitantànana — Annick Danielle Raherimanana, mpanao gazetin’ny Radio Antsiva. Nodimandry ny 28 Janoary 2026
Newsflash

Madagasikara, Andron’ny Vehivavy 2022. Ao Antsirabe, ny 08 Marsa

Tompokolahy sy Tompokovavy,

Manoloana ny faharatsian’ireo foto-drafitr’asa izay efa marefo nohon’ny takaitra izay navelan’ny rivo-doza Batsiraï sy ny andro ratsy efa manambana amin’iny Faritra Atsimo Atsinanana iny, sy mba ho fisorohana ny voka-dratsy izay mety aterak’izany amin’ireo mpandray anjara amin’ny Fankalazana Nasionaly ny Andro iraisam-pirenena ho an’ny Vehivavy izay saika hankalazaina tao amin’ny Distrikan’i Manakara, Faritra Vatovavy,

Izahay Ministeran’ny Mponina sy ireo Komity Mpanomana ny 08 Marsa 2022 dia maneho ny fialan-tsiny lehibe amintsika Vehivavy Malagasy tsy vaky volo rehetra, indrindra fa isika aoamin’ny Distrikan’i Manakara, satria voatery novana ao amin’ny Distrikan’Antsirabe, Faritra Vakinankaratra, ny toerana hankalazana izany amin’ity taona ity.

Tiana anefa ny manamarina fa tsy misy miova ny fandaharam-potoana rehetra izay voafaritra tao anatin’ny tondro zotra izay efa nankatoavin’ny Filan-kevitry ny Minisitra.

Eo ampamanarana dia manantena ny fahatsapana avy amintsika rehetra ny mpanomana ny lanonana satria ny Fotoam-bita, hono, tsy mahaleo ny sampona, kanefa aleho misoroka toy izay mitsabo.

Misaotra, Tompokolahy, mankasitraka, Tompovavy./.

Articles similaires