Quel est donc ce drôle de titre ? Sachez que le village dénommé Anjoma Ramartine signifie littéralement au Vendredi de Madame Martine. Par ailleurs, Zoma (Vendredi), dans bien de localités malgaches, est synonyme de jour de marché ou marché tout court.
Les pancartes ci-dessous vous expliquent le pourquoi du déplacement d’une forte délégation de ministres du gouvernement de la HAT. Tout y est dit.
Oui, il s’agissait de la pose de la première pierre d’un Centre de développement-Fararano Lacafampivoarana-Foisonnement de produits), à Anjoma Ramartine. Bon, puisque c’est une histoire de développement malgacho-malgache, rédigeons en malgache.
Ny ministra Ramanantsoa, Juscelyno, Ramaroson ary Razafimanazato
Ao anatin’ny fivondronampokontan’ny Mandoto no misy ny kaominina Anjoma Ramartine. Ity toerana ity no nanatanterahina ny fametrahana ny vato fehizoro ny fananganana ny trano famoriambokatra sady fivarotana izany. Tonga tany an-toerana nisolontena ny Filohan’ny Fahefana Avon’ny Tetezamita ny minisitry ny Fanabeazam-pirenena Atoa Julien Razafimanazato, notronin’ny minisitra ny Mponina, Rtoa Nadine Ramaroson ary nahitana ihany koa ny minisitra ny Angovo, Atoa Jean Rodolphe Ramanantsoa ary ny minisitra ny Fambolena, Atoa Jaonina Mamitiana Juscelyno.
Andriamatoa Ben'ny Tanànan'Anjoma Ramartine
Navoitry ny Ben’ny tanàna ny hetahetan’ny mponina amin’ny tokony hisian’ny televiziona ao antoerana. Nasondainy ihany koa ny fahavononan’ny mponina eo amin’ny sehatry ny fambolena. Ary nangatahin’ny Ben’ny tanànan'Anjoma Ramartine ihany koa ny hanarenana ny tranon-tsekoly izay simban’ny rivo-doza.
Ny Ministry ny Mponina, Ramatoa Nadine Ramaroson
Raha nandray fitenenana ny minisitra ny Mponina dia nitatitra hatrany ny fahavononan’ny Fitondrana tetezamita tarihin’ny filoha Andry Nirina Rajoelina, amin’ny fitsinjovana manokana ny vahoaka, indrindra ny fikarakarana azy ireny eo amin’ny lafin’ny sosialy : « Tsy mora, hoy Rtoa Nadine Ramaroson, ny manarina izay sehatra ny sosialy izay satria hita fa nia-nahantra tanteraka ny vahoaka nandritra izay 50 taona izay. Na izany aza dia manao izay ho afany ny mpitondra sy ireo mpikambana ao amin’ ny Gouvernemanta. Manankarena i Madagasikara saingy noho ny fitantanana gaboraraka nataon’ny mpitondra teo aloha, dia lasa olom-bitsy no nahazo tombontsoa fa ny vahoaka kosa dia nia-nahantra hatrany ary mbola vokatr’izany izao zakain’ny vahoaka ankehitriny izao ».
Ny Ministry ny Fanabeazampirenena, Andriamatoa Julien Razafimanazato
Ny Minisitra ny Fanabeazanampirenena indray, izay nisolontena ny Filohan’ny HAT, dia nilaza fa hoezahina atao izay fanamboarana tanteraka ny tranon-tsekoly. Eo koa ny fanolorana ny ambioka ho an’ny mponina : «Tanjona ny fampandrosoana ny ambanivohitra ary fiaraha-miasa amin’ny olo-tsotra sy ny fiangonana ity trano fanangonam-bokatra ity. Ny politikan’ny fitondrana ankehitriny dia miezaka manatona ny vahoaka. Midika izany fa porofo iray ho fitohizana ny fiaraha-miasa eo amin’ny fanjaka sy ny sehatra tsy miankina ary ny fiangonana izao fanorenana ny ivotoerana fanangonam-bokatra sy famatsiana izao ».
Monsenera Félix Ramananarivo
Tao anatin’iny lanonana iny, natao ny asabotsy faha-10 aprily 2010, dia nisy ihany koa ny fanolorana ny omby telo avy amin’ny Filoha hy tetezamita. Tsiahivina etoana fa ny foibe fanangonambokatra sy famatsiana ity moa dia hetsika niala avy tamin’ny Monsenera Félix Ramananarivo, Evêque Emérite de l’Eglise catholique d’Antsirabe. Ny “GROUPE Liaison Office Consulting” no hanatanteraka ny fananganana ity foibe fanangonambokatra sy famatsiana ity. Haharitra 12 volana ny asa ary mitentina 1.000 tapitrisa irambilanja ny fanamboarana.
Jeannot RAMAMBAZAFY - Andry RAKOTONIRAINY