SEHATRA FANARAHA-MASO NY FIAINAM-PIRENENA
SeFaFi
Observatoire de la Vie Publique
Lot TR 41 Ampahimanga, Ambohimanambola 103
Mbola tsy notandindomin-doza tahaka izao mihitsy ny firenena. Raha orana mikija no mirotsaka aty anivon-tany, indrindra eto an-dRenivohitra, dia haintany sy kere kosa no mianjady aminâny faritra sasany any atsimo tao ho ao. Ny harivanâny 5 marsa 2015, ny tarehimarika vonjy maika navoakanâny BNGRC (Biraom-pirenena misahana ny loza sy ny antambo voajanahary) momba ny tondra-drano mahazo ny faritrâi Vakinankaratra, Analamanga ary Alaotra-Mangoro dia milaza fa nisy maty 25 ary tra-boina 88.253 ka ny 39.122 tsy maintsy nifindra fonenana ; ny 3 marsa, niisa 581 ny trano simba, ary dibo-drano kosa ny trano fonenana 1.598 sy ny tanimbary 6.339 hekitara.
Nampitomboinâny orana izaitsizy ny lavaka saika teny aminâny arabe rehetra mihitsy eto an-drenivohitra, izy no namaky fefiloha taminâny toerana maro noho izy ireny tsy mba nokojakojaina, ary tety an-tanĂ na dia mbola izy koa no nampikororosy bateria sy nampihotsaka tany ary nahatonga vatolampy manambana ny hikodia. Miombona alahelo aminâny fianakaviana namoy havan-tiana ny SeFaFi ary miombom-pijaliana aminâizay rava fananana.
Alamindamin-dratsy eo ny fanampiana, toa maro sahanina ny BNGRC nefa tsy tena mangarahara ny fiandraiketany ny seraserany sy ny laminâasany, ary noho izy ela loatra sy mitavozavoza manoloana ny hamehana dia mimenomenona ny olona sy ny mpiara-miombona antoka samihafa. Dia nisy ny andraikitra noraisinâny olon-tsotra mba hamonjena ny tra-boina. Nihetsika ny Vokovoko Mena, tsy mbola niasa mafy tahaka izany ny mpamonjy haintrano.
Afa-tsy ilay fandehanana teny an-toerana nandrakotra ny filazam-baovao taminâny 28 febroary kosa dia saika tsy mba hita mihitsy ny fanjakana. Mandritra izany ny vidinâny zava-pihinana sy ilaina andavanandro dia nanakatra ny fara tampony, ary tsy maintsy mbola hiakatra ny anâny legioma sy ny vary satria aman-jato na hekitara maro ny tanimboly sy ny tanimbary difotry ny rano.
Hafaliana ho anâny matim-bola kosa ny fisianâ ny loza voajanahary (tena nisy tokoa va re izany vary lo nafangaro taminâny vary vao izany dia natao anaty gony ary namidy teto an-drenivohitra ?), toy izany koa ireo mpanodinkodina ny fanampiana, ary ny antoko na vondrona politika sasantsasany misarika mpifidy.
Goavana ilay loza mahazo ka tsy maintsy mandray ny andraikiny avy ny olona rehetra tokony hampandeha ny fiainam-pirenena. Tsy azonâny mpitondra tsotsorina fotsiny aminâny hoe « mbola tsy nisy oram-be tahaka ity », fialan-tsiny tsy mitombina izany, toy izany koa ny hoe fanorenan-trano tsy ara-dalĂ na.
Ekena fa manentsina ny lakandrano sady mandoto rivotra ary manapariaka ny mikraobany ny olona manary ny fakony eny aminâny arabe, mivalan-drano eny am-bodi tamboho, mandrehoka avy eny ambony taksibe, toy izany koa mampihombo ny todra-drano ny olona manorina trano tsy ara-dalĂ na sy tsy azo antoka eny amboninâny lakandrano. Fa iza anefa ny tena tomponâandraikitra ? Ny mpiasanâny CUA (Commune urbaine dâAntananarivo) izay nanome an-kamorana ny alalana ahafaha-manorina, ny mpiasanâny APIPA (Fahefana miaro ny lemakâAntananarivo aminâny tondra-drano) izay nanaiky ny hanotofana ny faritra arovana, ny mpiasanâny Fananan-tany izay nanao risoriso taminâny tanim-panjakana, ny orinasa izay nanao ny fanotofana an-tsokosoko, fa ny voalohany indrindra dia ny benâny tanĂ na sy ny PDS nifandimby nitondra anâAntananarivo.
Tsy lazaina intsony ny momba ireo manampahefana ambony izay nanaiky ny nanaovana anâizany na tena niray tsikombakomba mihitsy aza.
Misy lesona tsy maintsy tsoahina manoloana izao fahavoazana tsy roa aman-tany izao, indrindra moa fa ny mahantra fadiranovana no mizaka ny tena mavesatra noho io tsy fitandremanâny besinimaro io.
Volana vitsivitsy sisa dia hatao ny fifidianana ny kaomina ka tokony havaozina daholo ny politikam-pirenena momba ny tanĂ n-dehibe. Dia hanafintohina ve raha takiana aminâireo izay milatsaka hofidiana benâny tanĂ na, indrindra any aminâny tanĂ na lehibe, ny hampahafantarany izay tetikâasa momba ny tanĂ na hampihariny raha lany izy ?
Raha tsy vitany izany satria tsy ampy ny fiheverany ny fireneny sy ny fiheverany ny ethika ary ny herimpony ara-politika dia azo atao tsara ny mamorona lalĂ na izay manery azy hanao izany. Satria tsy azo veroka mihitsy izany hoe kandidĂ ho benâny tanĂ na izany nefa tsy manana tetikâasa akoryenti-mampandroso ny tanĂ na ! Aminâizay isika dia ho afaka aminâilay « eo am-pandrasana mahita ny atiny » nanazaranâny benâny tanĂ na sy ny PDS nifandimby taminâny tanĂ na rehetra teto aminâny Nosy antsika. Diovina ny lakandrano alohanâny fahavaratra, amboarina ny lalana alohanâny hahapotehany tanteraka, omena ny alĂ lana hanorina trano rehefa misy lafiny tekinika marim-pototra fa tsy rehefa misy sisi-bola, atsahatra ny kolikolinâny polisinâny fivondronana sy ny tsy fanarahan-dalĂ nâny mpamily taksibe, aiditra foriera ny fiara mibahana ny sisin-dĂ lana natokana ho anâny mpandeha tongotra, averina aminâny mpandeha tongotra ny sisin-dĂ lana ary saromana tsara ny tatatra, terena ny mpivarotra hamela ny arabe ho anâny fiara : ireo fepetra tokony handeha ho azy ireo ve dia tsy ho azo tanterahina mihitsy eto Madagasikara ?
Aoka koa hatsahatra ny fanamboamboarana ny saim-bahoaka sy ny anâny fianakaviambe iraisam-pirenena. Mivazavaza rivodoza nefa tsy misy loza manambana akory, na manambara fahavoazana nentinâny rivodoza nefa dia rivo-mahery tropikaly ihany no nandalo, izany dia manao tsinontsinona ny olona malala-tanana mpanome fanampiana (izay tsy voafitaka velively akory) sy ny vahoaka (izay tofoka no hiafarany). Momba ny andro ratsy faramparany teo dia toy izao no voalazanâny lahatsoratra an-gazety iray izay hita ho avy amina loharanom-baovao azo antoka: « Ho anâny afovoan-tany, ary ho anâAntananarivo manokana, ny fitambaranâny DJF2015 [Desambra 2014, Janoary sy Febroary 2015 â ndlr] dia tsy lavina fa nihoatra ny mahazatra saingy tsy dia nankaiza loatra velively. Tsy orana nentinâny rivo-doza ireny fa nateraky ny andro ratsy naharitra iray volana mahery teto Madagasikara » (Midi-Madagasikara, 4 marsa 2015). Marihina anefa fa tena nisy ny fihatsarana lehibe : ny 12 janoary 2015, efa nananontanona i Chedza, ny site web-nâny sampana mpamantatra ny toetrandro malagasy izay tsy nokasihina intsony hatraminâny 18 novambra 2014, dia mbola i Adjali no noresahiny. Fa izao kosa dia toa efa tsy tratra aoriana intsony ny sampan-draharaha miandraikitra anâizany.
Aoka koa hoezahina ny haha matihanina sy tsy hidirana politika ny sampan-draharaha misahana ny loza sy ny antambo voajanahary mety hitranga. Ny lehibenâny BNGRC ankehitriny dia notendrena taminâny 17 oktobra 2014, tena teo an-katoky ny fotoananâny rivodoza mihitsy, miharihary fa mason-tsivana politika no nampiasaina satria ilay teo alohany dia vao notendrena taminâny marsa 2013. Dia hahagaga ve raha toa ka ny drafitra fiomanana hita ao aminâny site web-nâny BNGRC dia mbola ny anâny 2013-2014 ihany ary mbola tsy voavoatranâny BNGRC foana ny firafiny. Manoloana ny loza voajanahary farany teo izay azo lazaina fa tsy dia nahery vaika firy, ny mpiara-miombona antoka rehetra ao aminâny fiaraha-miasa iraisam-pirenena dia samy niandry fitarihana na kely fotsiny aza avy aminâny olom-pirenena saingy tsy nisy izany.
Etsy an-daninâizany isika dia tsy tokony hanadino ireo firenena manodidina antsika : ny 2 marsa, nahafaty olona maherinâny 50 ny tondra-drano tany avaratrâi Tanzania. Mpikambana ao aminâny SADC tahaka anâi Madagasikara i Tanzania : io fikambanam-paritra izay kinga ery rehefa hanafay io ve tsy mba tokony koa hampiseho fiaraha-mientana ?
Inona no azo atao fehinâizany rehetra izany ? Ny andro ratsy dia nampiharihary fa mihotsaka daholo ny zava-drehetra.
Ary tsy ny hetsika fangatahana fanao isan-taona mihitsy akory no hanarina ny toe-draharaha, fa ny fanaovana drafitra maty paika, ny fanorenana trano manara-penitra, ny fikojakojana tsy an-kiato, ny fanafoanana ny kolikoly, ny fialana aminâny politika ao aminâny fitantanana ny loza mety hitranga sy ny antambo voajanahary.
Miaraka aminâny fanohananâny mpiara-miombona antoka sy ny namana, mampiasa ny fahaizanâny olom-pirenena izay tsy maintsy avondrona, dia tsy azo ampiandrasina intsony ny fanatontosana tombana tsy misy henamaso toy izany koa ny fanavaozana ny rafi-pitantanana ny loza sy antambo voajanahary (1).
Antananarivo, 7 marsa 2015
(1) Ny tetikâadim-pirenena ankehitriny dia nampiharina taminâny 1999 ary natao ara-dalĂ na taminâny lalĂ na lah. 2003-010 ny 5 septambra 2003. Saingy tsy tafiditra lalina tao aminâny sehatry ny asanâny Hyogo (novolavolaina taorianâny Tsunami 2004).