Nandao ity tany fandalovana ity, ny Sabotsy 12 Oktobra 2019, teo aminâny faha-77 taonany ny Pasitera Ramino Paul Abraham. Ny zanany lahy no nampahafantatra izany fahalasanâny rainy izany.
Ny Pasitera isany Ramino, Ravalinomenjanahary ary Ranjakavelo tao amin'ny fiangonana Fjkm Tranovato Faravohitra, tamin'ny nahalasan'ny Pasitera Razafitrimo Philibert, ny taona 2007
Fâiza moa ny Pasitera na Mpitandrina Ramino Paul?
Izy no nitantana ny fiangonana Fjkm Amparibe Famonjena nanomboka ny taona 1986 ka hatraminâny taona 2007 nandehanany nisotro ronono. Izany hoe nandritra ny 21 taona izy no nitory ny Vaovao Mahafaly tao, teo anatinâireo 50 taona nitandremany izay nankalazaina taminâny taona 2016.
Anisanâny olo-benâny Skotisma eto Madagasikara (Tily Malagasy izay hankalaza ny faha-100 taona niorenany aminâny 2024) ny Pasitera Ramino Paul izay mpanoratra («écrivain») sy poety ihany koa. Mpikambana tao aminâny Havatsa Upem («Union des poĂštes et Ă©crivains de Madagascar») izy.
Fantaro koa fa ny Pasitera Ramino Paul no namorona ny «Lamako» ampiasaina amina fotoan-dehibe isan-karazany na eto an-toerana na any ivelany. «Lamako, lamako, avereno, avereno, atambaro»...
Raha eo aminâny lafiny ara-politika indray dia anisanâny nanangana ny fikambanana «Raiamandreny Mijoro» niarahany taminâi Ramatoa Madeleine Ramaholimihaso sy ny Pasitera Daniel Rasoaherimanjato izy, ny taona 2010. Ny tanjona dia ny hampihavana ny Malagasy.
Izay no nahatonga azy, taty aoriana, ho lasa mpikambana ao aminâny FFM na Filankevitra ho anâny Fampihavanana Malagasy.
Vita tanteraka antsakany sy andavany ny asanâny Pasitera Ramino Paul Abraham tety an-tany. Isika kosa miandry ny toerana, andro, ora ary fotoana hanaovam-beloma azy farany.
Jeannot Ramambazafy
TSIAHY
Ny fankalazana ny faha-80 taonan'ny Tily Malagasy
Ny fikambanan'ny Tily Malagasy dia nanao valan-dresaka, ny alarobia 21 Janoary 2004, tao amin'ny Select Hotel. Izany no natao dia mba ho fankalazana ny faha-80 taona niorenany. Andriamatoa ANDRIAMANANTENA Georges (RADO), Filoham-boninahitry ny fikambanana, sy ny Pasitera RAMINO Paul, Filohan'ny komitin'ny jobily faha-80 taona, ary Andriamatoa RAKOTONARIVO Hajanirina, Filohan'ny Foibe Tily Malagasy no nanatontosa izany.
Nambaran'izy ireo tamin'izany ny andraikitra lehibe izay noraisin'ny Fikambanan'ny Tily eto Madagasikara eo amin'ny lafin'ny fanabeazana. Tarigetran'ny fikambanana hatramin'izay mantsy ny hamolavola olom-banona, izany hoe «olona tena ilain'ny fiaraha-monina sady azo itokisana». Ny fanabeazan'ny Tily dia atao amin'ny alalan'ny fitaizana ny olona : SAINA - TENA - FANAHY.
Nolazain'izy ireo koa fa ny mampiavaka ny Tily Malagasy amin'ny Skotisma hafa dia ny fitoriana ny Filazantsara.