Ny volana mey 2019 no nihaona voalohany, tao amin’ny Foiben’ny OIT (« Organisation Internationale de la Francophonie »), ao Parisy, ny Filoha Andry Rajoelina sy Ramatoa Louise Mushikiwabo, Sekretera jenaralin’ny OIF
Ity Fihaonamben’ny Frankôfônina taona 2024 ao Parisy ity (4-5 Oktobra), izay fantatra ihany koa amin'ny hoe « Sommet de Villers-Cotterêts », dia ho fotoana ahafahan'ireo firenena mpikambana ao hamaritra indray ny stratejia ao amin'ny Frankôfônia sy hifandinika momba ireo olana samihafa misy ankehitriny, eo amin’ny lafin’ny Fanatontoloana, ny Demokrasia, ny Filaminana ankapobeny, ny Fiaraha-miasa eo amin’ny samy mpikambana ary ny Fanabeazana. Anisan'ny tanjona lehibe amin'ity Vovonana ity ny resaka Fiteny, Tontolo nomerika, jeopolitika ary ekonomika.
Fa ny tena zava-dehibe izay mampifantoka ny sain’ny mpikambana rehetra ao amin’ny OIF ankehitriny dia ny anjara andraikitry ny teny frantsay eo amin’ny Kolontsaina, ny Fanabeazana, ny Demokrasia, ny fomba Fitantanà na (« gouvernance »), ny Fampandrosoana maharitra ary ny fametrahana ny Fandriampahalemana, ny Filaminana ary ny Fanjakana tan-dalà na ao amin’ireo firenena mpikambana ao amin’ny OIF.
Mandray anjara amin’io Fihaonam-ben’ny Frankôfônina faha-19 io ny Filoham-pirenena malagasy, Andry Rajoelina, izay efa any an-toerana, miaraka amin’ny Ramatoa Mialy vadiny sy ireo mpikambana sasany ao amin’ny governemanta malagasy ary mpiasa ao amin’ny Prezidansy sy ireo mpanao gazety hanaraka ny fizotran’izany Fivoriam-be izany.
Ny lohahevitr’ity Fihaonamben’ny Frankôfônina faha-19 ity moa dia : « Créer, innover et entreprendre en français » azo adika hoe : « Mamorona, manavao ary manatanteraka amin'ny teny frantsay ».
Jeannot Ramambazafy